Статистика |
Онлайн всего: 1 Гостей: 1 Пользователей: 0 |
|
Страницы: « 1 2 ... 5 6 7 8 9 ... 52 53 »
Показано 91-105 из 785 сообщений
695.
3 июня. Собор Карельских святых
(24.05.2006 17:00)
0
Величаем вас,чудотворцы наши славнии Карельстии, страну северную лучами добродетелей озарившии и образ спасения верным светоявленно показавшии.
|
694.
2 июня. Обретение(1431)мощей свт.Московского Алексия,всея Ро
(24.05.2006 16:38)
0
Апостольских преемников,архиереев сопрестольниче, России всея пастырю и учителю,всеблаженне отче Алексие, Владыце всех молися мир пастве твоей даровати, и спасение душам,и велию милость.
Яко светоносная память святителя всем разруши уныние и свет облиста Небесных Даров,всех созывающи на веселие: от Бога бо,святителю Алексие,благодать обрете прогонити недуги и вся человеки исцеляти,и мнихом же степень показася.
Святителю отче наш Алексие,моли Бога о нас.
|
693.
27 мая. Прп.Никиты,затворника Печерского,еп.Новгородского(11
(18.05.2006 14:02)
0
Небеснаго пространства желая,от юности в тесне месте затворился еси,в немже прельщен быв от врага,паки смирением и послушанием победил еси прелестника крепце,Никито; и ныне,предстоя Христови, моли спастися всем нам.
Архиерейства саном почтився и чисте Чистейшему предстоя, прилежно моление за люди твоя приносил еси,яко и дождь молитвою свел еси,овогда же и града запаления угасил еси. И ныне,святителю Никито,моли Христа Бога спасти люди твоя молящияся,да вси вопием ти: радуйся,святителю,отче предивный.
Победив вражия лести добле и светло добродетельми просияв, святительства одеждою облеклся еси,преславне Никито, в немже светом жития твоего и чудесы сияя паче солнца, многих просветив,привел еси Христови,Егоже моли о нас, поющих тя.
|
692.
25 мая. Прославление(1913)сщмч.Ермогена,патриарха Московског
(18.05.2006 13:06)
0
Град Москва и с ним вся Русь плакася горько, самозванну повелителю воцарившуся и в нечестие облекшуся, ты же един,яко крепкий поборник,сему нечестию противостал еси и веру Православную со дерзновением исповедал еси.
Святый священномучениче Ермогене,моли Бога о нас.
Ермогена исповедника,иже не убояся прещения смертнаго и словес жестоких от нечестиваго врага,песньми ублажаем.
Слава Отцу и Сыну и Святому Духу, и ныне и присно,и во веки веков,аминь.
|
691.
(18.05.2006 13:04)
0
Благословен Бог
|
690.
22 мая. Перенесение мощей святителя и чудотворца Николая из
(18.05.2006 12:33)
0
Отечество свое,Миры Ликийския,не оставль духом, во премирный град Барский преславно телом пренесеся, архиерею Николае. И оттуду множество человеческое своим пришествием возвеселил еси и болящия исцелил еси. Темже тя молим,святителю Николае,моли Христа Бога, да спасет души наша.
|
689.
20 мая. Преподобного Нила Сорского(1508)
(10.05.2006 16:00)
0
Удалився,бегая Давидски,мира,и вся,яже в нем, яко уметы вменив,и в месте безмолвне вселився, духовныя радости исполнился еси,отче наш Ниле, и Единому Богу изволив служити,процвел еси яко финикс,и яко лоза благоплодна умножил еси чада пустыни. Темже благодарственно вопием: слава Укрепльшему тя в подвизе пустынножительства, слава Избравшему тя в России отшельником уставоположника изрядна,слава молитвами твоими и нас Спасающему.
Терпя,потерпел еси суетныя обычаи и мирския нравы братий твоих,обрел еси пустынное безмолвие,преподобне отче, идеже постом,бдением и непрестанною молитвою в трудех подвизахся,ученьми твоими правыя стези указал еси нам, шествовати ко Господу. Темже и почитаем тя,всеблаженне Ниле.
Ублажаем тя,преподобне отче Ниле,и чтим святую память твою,наставниче монахов и собеседниче ангелов.
|
688.
17 мая. Преполовение Пятидесятницы
(10.05.2006 15:07)
0
Преполовившуся празднику,жаждущую душу мою благочестия напой водами,яко всем,Спасе, возопил еси: жаждай да грядет ко Мне и да пиет. Источниче жизни нашея,Христе Боже,слава Тебе.
Празднику законному преполовляющуся, всех Творче и Владыко,к предстоящим глаголал еси, Христе Боже: приидите и почерпите воду безсмертия. Темже Тебе припадаем,и верно вопием: щедроты Твоя даруй нам,Ты бо еси Источник жизни нашея.
Слава Отцу и Сыну и Святому Духу, и ныне и присно,и во веки веков,аминь.
|
687.
16 мая. Прп.Феодосия,игумена Киево-Печерского(1074)
(04.05.2006 15:10)
0
О,священная главо,ангеле земный и человече небесный, преподобне и богоносне отче наш Феодосие,изрядный слуго Пресвятыя Богородицы,во имя Ея святое обитель пречудну на горах Печерских соорудивый и в ней чудес множеством просиявый! Молим тя со усердием многим: помолися за нас ко Господу Богу и испроси нам от Него великия о богатыя милости: веру праву,надежду спасения несомненну,любовь ко всем нелицемерну,благочестие непоколебимое,душ и телес здравие,житейских потреб довольство,и да не во зло обратим благая,даруемая нам от щедродательныя Его десницы, но в славу имене Его святаго и во спасение наше. Сохрани,угодниче Божий,предстательством Твоим святым в здравии и долгоденствии всех православных христиан, покоряя под нозе их вся враги и супостаты. Соблюдай,преподобне чудотворче,страну православно-российскую, грады ея,град твой и лавру твою невредимыми от всякаго зла, и вся люди,притекающие на поклонение к честному твоему гробу и пребывающия во святей обители твоей,осени небесным твоим благословением и от всяких зол и бед милостиво избави. Наипаче же в час кончины нашей покажи нам многомощное твое покровительство: да избавимся молитвами твоими ко Господу власти лютаго миродержца и сподобимся наследити Царство Небесное. Яви нам,отче,благосердие твое,и не остави нас,сирых и безпомощных: да выну славословим дивнаго во святых Своих Бога,Отца и Сына и Святаго Духа,и твое святое заступление во веки веков,аминь.
|
686.
30 апреля. Обретение мощей прп.Александра Свирского(1641)
(18.04.2006 14:51)
0
Память твоя днесь яко солнце возсия, Александре преблаженне,яже благочестивых сердца озаряющи,болезней твоих,и чудес сиянием, яко воистинну просвещающи,отче,в нюже вся ны помяни, верно чтущия тя.
Преподобне отче наш Александре,моли Бога о нас.
|
685.
30 апреля. Прп.Зосимы,игумена Соловецкого(1478)
(18.04.2006 14:45)
0
О Пребезначальное Естество,и Триипостасное Единство, Отче и Сыне и Душе Пресвятый,приими от нас молитвенники Твоя преподобныя угодники,и подаждь прегрешением разрешение,и житию исправление, и злых отчуждение,и сподоби ны в мире воспевати Твою державу: благословите,вся дела Господня,Господа.
Пощади мя,Христе Спасе,пощади молитвами рождшия Тя, и всех святых Твоих: егда сядеши судити делом моим, беззакония моя и грехи моя презри,яко Един безгрешен.
|
684.
24 апреля. Понедельник Светлой седмицы
(14.04.2006 15:04)
0
Небеса поведают славу Божию, творение же руку Его возвещает твердь.
Небеса убо достойно да веселятся, земля же да радуется,да празднует же мир, видимый же весь и невидимый,Христос бо воста, веселие вечное.
Христос воскресе из мертвых!
|
683.
19 апреля. Свт.Евтихия,архиеп.Константинопольского(582)
(13.04.2006 14:59)
0
Божественнаго верно Евтихия вси поюще,людие, любовию да ублажим,яко пастыря велика и служителя, и учителя премудра,и прогонителя ересей, да молит Господа о всех нас.
|
682.
15 апреля. Лазарева суббота
(12.04.2006 15:01)
0
Всех радость,Христос,истина,свет, живот и мира воскресение,сущим на земли явися Своею благостию,и бысть образ воскресения, всем подая Божественное оставление.
|
681.
13 апреля. Свт.Ионы,митр.Московского и всея Руси,чудотворца(
(04.04.2006 15:52)
0
Божественною благодатию просветився, и по смерти показуя светлость жития твоего, источаеши мирови благоухания притекающим к раце мощей твоих,и народи Московстии наставляеши ко свету богоразумия,Ионо,отче наш, моли Христа Бога даровати нам велию милость.
|
|
|
|