Вечная молодость немножко в другом месте. Извините.

Покаяния основание,прописание умиления,
образ утешения,духовнаго совершения равноангельное
житие твое бысть,преподобне. В молитвах убо
и в пощениих и в слезах пребывавый,отче Иоанне,
моли Христа Бога о душах наших.

(287 или 303г.г.)

Светильницы светлии явльшеся,Божественнии мученицы,
тварь всю светлостию чудес озаряете,недуги разрешаете
и глубокую тьму всегда отгоняюще,Христу Богу
молящеся непрестанно о всех нас.

Со святыми упокой,Христе,души раб Твоих,
идеже несть болезнь,ни печаль,ни воздыхание,
но жизнь безконечная.

Проповедует ныне Православная Церковь подвиги твоя,
яко всероссийскаго угодника Божия,и чтит твою память,
восхваляющи твое ангелоподобное житие.

Преподобне отче наш Амвросие,моли Бога о нас.

Столп огнезрачный и светоносное солнце,
возсиявшее на горе Печерской,великаго Антония
со всем собором богоносных отец приводим Тебе,Христе,
в молитву,ихже ради молим,подаждь обители нашей
благодать и душам нашим велию милость.

Плач,стенание и горе великое,грядущия
на Церковь Российскую предзрел еси,Первосвятителю,
обаче Христовою любовию укрепляем,мужественно
взывал еси: благословен еси,Боже отец наших.

Святителю отче наш Тихоне,моли Бога о нас.

Украшение священников явился еси Константине,
восприем бо крест яко оружие,проповедею славною
устраняя раскол и ереси,благовествовал еси Иисуса Христа
глаголя: спасайтеся от рода сего развращеннаго.
Сего ради мученическою кровию обагрися славне,
и ныне радуяся с лики ангельскими,моли Христа Бога
Церковь Всероссийскую от ересей и расколов сохранити
и спасти души наша.

335г.

Якоже вышния тверди благолепие,
и нижнюю споказал еси красоту святаго
селения славы Твоея,Господи,утверди сие
во век века и приими наша в нем непрестанно
приносимая Тебе моления Богородицею,
всех Животе и Воскресение.

Обновления духа в сердцах и просвещение
внутренним даруй верою совершающим священная
обновления храма дому Твоего,емуже благоволил еси
создатися в Твое Божественное имя,Едине во святых прославляемый

Благочестия любовию и спасения объят быв,
избегаяй того ради треволнений житейских,
удалился еси,блаженне Симеоне,от рода твоего
и манием божественным изведен был еси
в малонаселенную иногда страну Сибирскую,
идеже пресельник быв земли отеческия,
подобник явился еси праотцу Аврааму
и стяжав нрав его,в хижинах убо убогих
витаяй,якоже он в кущах. Душу же вперив
в Небеси,в горний Сион добродетелей стезю
ходил еси,ведущею на Небо,всю жизнь твою,
во славу Христа Спаса всех,ти споспешествующа.
Емуже вся сия научают,нас радостно днесь звати:
Сей Бог наш,препрославлен есть,Тому
Единому поим,яко прославися.

Святый праведный отче наш Симеоне,
моли Бога о нас.

Препрославлен еси,Христе Боже наш,светила
на земли отцы наша основавый и теми ко истинней
вере вся ны наставивый,Многоблагоутробне,слава Тебе.

Тихий ми,Христе,летный круг давай,Щедре,
и насыти мя словес Божественных Твоих,
яже явился еси глаголя иудеем в субботах.

Яко Едину преестественно паче человека благодать
во Твою утробу приемшую,и невращно рождшую
Христа Бога нашего,присно Тя,Богородице,славим.

Слава Отцу и Сыну и Святому Духу,
и ныне и присно,и во веки веков,аминь.

Богородице Приснодево,человеков покрове,
ризу и пояс причистаго Твоего телесе,
державное граду Твоему обложение даровала еси,
безсеменным рождеством Твоим нетленна пребывающи,
о Тебе бо и естество обновляется и время.
Темже молим Тя мир граду Твоему даровати
и душам нашим велию милость.